日期：2026年3月22日
場地：The Grand
形式：中式晚間婚宴
評分：⭐⭐⭐⭐⭐
婚禮順利完成✅ 終於有時間逐一俾番好評。首先今次選擇喺The Grand搞婚宴真係非常之滿意。 場地非常之大，空間感好夠，燈光好靚，好Grand,工作人員都非常之熱心，食物溫度夠，好好味😋
本身一開始都喺度諗緊究竟請唔請婚禮統籌，因為自己都有搞開Event 經驗， 有信心可以自己來，但最好彩自己有搵到，真係完全沒有後悔過，Wedding planner Nicole 好早記已同我地開左會， 講解晒晚宴流程，了解我地想想要要個點樣既婚禮之後好快就幫我準備左Rundown, 我地只需要提供資料，其他都係交俾Nicole幫手整理，仲有我連婚禮嘅音樂、證婚誓詞 、點名表都係前1晚先提供到，Nicole都一一幫我地download同打印出來。 真係好犀利，辛苦晒❤️
另外仲有我地既MC Water, 我地只係開左一次會， Water 完全將我地「地下鐵碰著他」既愛情故事講晒出來。婚禮完左之後，好多朋友都問我地MC 係點樣搵， 個個都話個MC 好正，聲線好溫柔 ，好smooth，控制得好好。
最後到地場經理Jackal，無論我哋有咩要求， 幾夜搵佢都會係WhatsApp 即刻覆我地。 12點幾都仲幫我地試下Display 相既位置岩唔啱，我地希望有一個完完全全Pet friendly 既婚禮， 當晚狗狗可以直接落地跑跑， 埋位落枱參加晚宴Jackal 都話冇問題。
再次感激The Grand 全體員工的付出，令到我們有一個難忘和美好的晚宴，真心推薦俾搵緊婚宴場地的準新人💯💯
ClubONE The Grand – 香港戶外婚禮小型婚禮場地
ClubONE The Grand 盛宴是科學園戶外婚禮的熱門場地，擁有五星級酒店設計格局及5米特高樓底，空間感十足，並提供奢華名貴紅酒櫃及高尚自助餐區。宴會廳彈性配合新人需要，適合舉辦15 – 30席的中西式婚宴酒席、雞尾酒會、午間證婚及晚間婚宴等。
