日期：2026年3月28日
場地：淺水灣
形式：中式午間婚宴
評分：⭐⭐⭐⭐⭐
昨天在淺水灣Club One完成婚禮，整個過程順利多得一班員工幫忙。場地佈置、環境都符合我地預期，亦感恩天朗氣清。
想重點讚揚幾位同事，首先係前期負責聯絡嘅Bonnie，雖然最後唔係Bonnie跟婚禮，但佢接待有禮，亦好有耐性解釋詳情，熟悉流程細節。
之後係負責跟婚禮嘅同事阿cat，我好多野問畢竟結婚只有一次，真係好緊張，但阿cat完全冇令我覺得佢不耐煩，甚至自己放假期間依然會秒回，實在好唔話得。 婚禮跟新娘嘅同事Sharon除左靚靚女女，仲好幫得手，好細心來回幾次幫我同先生攞食物、傳遞信息，不斷幫我擺裙擺、頭紗各樣，真係唔話得！
另外都要多謝前一日幫我地準備場地嘅同事Marcus，因為我完全冇諗過佢哋會幫我地擺好埋回禮禮物喺每一個座位，我以為要自己做，呢一部分令我地節省不少時間。
要代親朋好友多謝酒席廚師，唔知道你嘅名字，但大家都大讚比唔少星級酒店嘅中菜更好食！（雖然我已經攰到冇力食）
最後祝福Club One淺水灣同事長做長有，每個婚禮都順順利利，每對喺呢度行禮嘅新人都幸福美滿、長長久久！
ClubONE 淺水灣 – 香港戶外輕婚禮小型婚禮場地
ClubONE淺水灣是熱門戶外沙灘婚禮場地，場地設有四個宴會廳，三個海景戶外婚禮證婚區，適合舉辦50人至200人的小型婚禮、中西式婚宴酒席、雞尾酒會、午間證婚及晚間婚宴等。
