日期：2026年1月11日
場地：維港皇宴
形式：中式午間婚宴
評分：⭐⭐⭐⭐⭐
– 婚禮擺酒嘅好選擇，超貼心服務體驗 –
上個星期忙完婚禮，今日終於有時間寫好評❤️ 好幸運可以搵到呢間Club One 幫忙，特別要感謝經理Macky 同埋Joyce!
因為我時間好趕（只要半年左右），而婚禮當日好日，好多地方都無期，咁岩經過見到呢間Club One，就上去碰吓運氣。 當日係下午時間，出邊嘅海境好靚，宴會廳個個「星光大道」都好有型😂 經理都好友善介紹佢地場地、餐單等等。 而最緊要果日有期！（有對新人要改期，所以讓到出黎），價錢合理，所以返屋企諗咗一晚第二日就拍版啦！
之後準備期間，Macky 會Keep著WhatsApp我，時間差唔多到又要提我有啲咩要準備，又配合我哋嘅諗法，而且回覆好快！
到婚禮前一日，可以拎定啲回禮禮物、酒去場地先，咁結婚當日唔駛拎咁多野。又可以早啲開門比Backdrop 公司早啲入場。我出入門完咗去場地個時，Macky 佢哋已經連簽名枱都幫我哋裝飾好，兄弟姊妹執一執就得🥹 之後婚宴嘅時候真係會好忙碌，佢地同事又會久唔久拎啲嘢飲俾你飲，影相嘅時候又會幫手拎一拎裙 / 幫手擺好啲裙擺，所以成件事都好順利😭
世一婚宴公司呀😂 再次感謝 Club One 維港皇宴宴會團隊，特別鳴謝 Macky 同 Joyce❤️
ClubONE 維港皇宴 – 香港輕婚禮小型婚禮場地
ClubONE維港皇宴是尖沙咀熱門婚宴場地，180度飽覽迷人的維港兩岸景觀，無論舉辦午間證婚儀式，還是小型輕婚禮，維港皇宴都是性價比超高，是新人婚宴場地首選。場地設有兩個宴會廳及數個小型貴賓廳，適合舉辦各類型中西式婚宴酒席、雞尾酒會、午間證婚及晚間婚宴等。
