日期：2026年1月26日
場地：The Grand
形式：中式晚間婚宴
評分：⭐⭐⭐⭐⭐
科學園 The Grand 性價比極高！改期都要訂到佢，新娘房配套一流！
啱啱喺 ClubONE The Grand 順利完婚，真心覺得揀呢度係最正確嘅決定！呢個場地真係誇張地搶手，佢 2024 年 7 月先開張，我 12 月去 Book 嗰陣，2025 年嘅好日子竟然已經爆晒！最後我哋為咗要喺呢度搞，仲特登改期就返個場，搞完之後覺得真係完全值得，性價比極高！
點解一定要揀呢度： 超大新娘房配套無敵： 呢個真係要大力推介！新娘房唔單止大，竟然仲有兩個洗手間同埋兩個大化妝鏡！Big Day 當日我同姊妹、化妝師一齊喺入面都完全唔擁擠，唔使爭廁所用，轉妝速度都快好多，呢點對新娘嚟講真係超加分！
戶外草地證婚： 環境超 Chill 超有外國 Feel，影相出嚟效果好高級，親戚朋友都以為我哋使咗好多錢。 場地大氣： 5 米高樓底配合時尚佈置，唔使點加錢搞 Deco 已經好體面。
特別鳴謝宴會經理 Cindy： 佢真係好專業、好細心！由籌備到當日，所有細節都幫我哋跟到足，回覆快到好似唔使瞓咁，令我哋全日都好安心去 Enjoy。 如果各位 B2B 想搵 The Grand，真係要盡早去睇場，因為好日子真係一瞬即逝，就算要改期就佢都係值得嘅！
ClubONE The Grand – 香港戶外婚禮小型婚禮場地
ClubONE The Grand 盛宴是科學園戶外婚禮的熱門場地，擁有五星級酒店設計格局及5米特高樓底，空間感十足，並提供奢華名貴紅酒櫃及高尚自助餐區。宴會廳彈性配合新人需要，適合舉辦15 – 30席的中西式婚宴酒席、雞尾酒會、午間證婚及晚間婚宴等。
