日期：2025年12月23日
場地：The Grand
形式：中式晚間婚宴
評分：⭐⭐⭐⭐⭐
今次選擇喺The Grand擺婚宴真係非常之滿意，場地本身已經有好多佈置，令我哋節省咗好多嘅煩惱，同埋工作人員都非常之熱心， 本身一開始都喺度諗緊究竟請唔請婚禮統籌，因為講真嗰句都唔係平，但係真係完全完全沒有後悔過，呢一筆錢真係非常之值得比！
婚禮統籌Nicole 8:30前已經到達酒店，同兄弟姊妹開會，令到我哋呢一對新人真係全日無煩惱過任何嘢，只係認真享受呢個婚禮就可以，無論係拍攝道具，定係夜晚場地嘅安排，我只需要準備物資其他都係交俾Nicole幫手整理，仲有我連婚禮嘅音樂比完名，佢全部都係Nicole幫我哋download，有啲歌仲要準確到幾多分幾多秒，佢都真係跟足㗎。相架嘅擺枱都擺得非常之靚，超多賓客去影相，仲要幫手應付雙方嘅親戚，真係好犀利呀！！！辛苦嗮呀！
Mc Janice都提前打咗電話話俾我哋同我哋開會,問我哋嘅愛情故事想要點樣嘅開場，我哋兩個其實都講咗好少嘢，真係全部靠MC自己發揮，但係都發揮得，非常之好啊！
之後到Jackal ,無論我哋有咩要求，佢都話OK冇問題，我哋話有隻狗狗，到時會坐狗車，佢仲要同我哋講落地行都冇問題呀，呢一下真係非常之驚喜，同埋我哋如果有啲咩要求佢都完全冇sayno，全程都非常Helpful
都要好多謝我嘅貼心管家 Jennie，由我入到The Grand開始，真係好貼心，跟住我哋又幫我哋攞嘢食幫我哋攞野飲，最重要全程幫我拎起條裙，我都真係非常唔好意思，但係佢依然笑容滿分沒有任何唔願意，後尾仲打包咗嘢食俾我哋拎返屋企食之後我哋冇點食嘢。
至於嘢食方面，因為我真係好忙，所以淨係淨係喺個場度食咗一塊乳豬同埋一碗翅，但係我想講都超級好食，後尾我哋都問咗好多嘅親戚朋友，個個都話個乳豬非常好食，總體嚟講嘢食都係中上，好有驚喜呀！
ClubONE The Grand – 香港戶外婚禮小型婚禮場地
ClubONE The Grand 盛宴是科學園戶外婚禮的熱門場地，擁有五星級酒店設計格局及5米特高樓底，空間感十足，並提供奢華名貴紅酒櫃及高尚自助餐區。宴會廳彈性配合新人需要，適合舉辦15 – 30席的中西式婚宴酒席、雞尾酒會、午間證婚及晚間婚宴等。
