日期：2025年12月6日
場地：淺水灣
形式：中式晚間婚宴
評分：⭐⭐⭐⭐⭐
喺呢度舉辦咗一個非常完美嘅婚姻！ 首先，因為場地都知道我會搞好多唔同檔攤(Candy Bar，留言電話，香水bar etc.)所以比我哋早一日去放低野。而我哋同時都面對住一個問題，就係唔夠時間裝飾回禮禮物，Bonnie聽到之後主動提議幫我哋裝飾同埋放好，令我哋省卻咗好多時間。放低野之後因為兄弟團未去過場地，所以佢哋都想周圍行下，Bonnie都非常願意帶我哋行一圈同埋講解下各個房間。
去到當日當然會有甩漏，我嘅甩漏就大咗少少，就係漏咗book一班旅遊巴，我同Bonnie講完之後佢即刻幫我班咗一架返嚟，令我可以繼續安心咁去享受婚禮。轉眼到婚宴時間，當中有好多唔同細節位我哋都需要搵人幫手，Bonnie同埋場地同事都好願意協助。其中，因為我哋開始嘅時候有少少delay，如果照原定計劃就一定會超時，後邊旅遊巴都會受到影響。於是我就搵Bonnie問可唔可以幫手追返啲時間，佢就同廚房同事合作，真係幫我追返啲時間。中間仲有好多細節未能逐一列出。
最後，因為晚宴完結嘅時間都比較夜，我哋兄弟姊妹都要花好多時間收拾返個場，Bonnie冇因為我哋夜就催我哋俾錢，反而係俾好多空間同埋時間我哋慢慢搞，甚至乎其他同事走晒佢都等埋我哋先閂門。
嘢食方便味道非常之好，賓客們都感受到賓至如歸嘅感覺。 非常推薦喺呢度搞婚宴或者其他宴會請客！
ClubONE 淺水灣 – 香港戶外輕婚禮小型婚禮場地
ClubONE淺水灣是熱門戶外沙灘婚禮場地，場地設有四個宴會廳，三個海景戶外婚禮證婚區，適合舉辦50人至200人的小型婚禮、中西式婚宴酒席、雞尾酒會、午間證婚及晚間婚宴等。
