日期：2025年12月10日
場地：水中天
形式：中式晚間婚宴
評分：⭐⭐⭐⭐⭐
剛完成了婚禮，整個過程十分之順利同埋開心。由當初轉換場地，我好唔情願咁前來水中天睇場，到後來越嚟越鍾意呢度，場地雖然有少少舊，但係地方真係好闊落，配套都好好，而且亦冇我想像中交通咁唔方便。
好慶幸可以認識到負責我哋婚禮嘅Shirley，係因為佢令到我對水中天十分之有信心，無論我任何時候問佢嘢佢都會有問必答，而且每次見面佢都係會好努力咁幫我解決問題，聆聽我需要。
其次嘅係MC Polly，雖然我接觸佢嘅時間比較少，但係我好多時深夜問佢嘢佢都係會回覆我，而且會提供適合嘅意見，最緊要把聲都好好聽。
當日佢哋兩位真係合作無間，因為我哋有好多好混亂嘅嘢，但係都幫我控場控得十分好，遇到突發事情又會好迅速咁幫我解決咗，真係令我哋少擔心好多嘢啊！！真心睇到佢哋十分專業！
搞婚禮實在太多事情要處理，能夠遇到好嘅Vendor好難得，遇到有heart嘅Vendor更加難得，所以真心希望有更多人睇到佢哋嘅好☺️ 再一次多謝你哋嘅幫忙呀
ClubONE 水中天 – 香港戶外輕婚禮小型婚禮場地
ClubONE水中天是熱門戶外草地輕婚禮場地，盡覧海天一色的180度城門景緻，設有兩個戶外證婚花園區及三個宴會廳，適合舉辦50人至200人的小型婚禮、中西式婚宴酒席、雞尾酒會、午間證婚及晚間婚宴等。
