日期：2025年10月12日
場地：The Grand
形式：中式晚宴
評分：⭐⭐⭐⭐⭐
超正婚宴！要大力推薦呢個完美團隊！ 我哋啱啱搞完場婚禮，到而家心情仲係好激動！真係要極力推薦我哋個婚宴場地嘅團隊，每一位都做得好好，令我哋超級安心同滿意！ 首先一定要多謝我哋嘅婚禮統籌 Yan！由頭到尾，Yan 都超專業。佢同我哋溝通得好好，好有耐性聽我哋啲諗法同擔心，俾嘅意見又中肯。做嘢仔細到不得了，每個細節都同我哋跟到足，而且「有交帶」到極，問親佢嘢都好快覆，跟進得好好。有Yan喺度，我哋真係慳返好多心力，可以輕輕鬆鬆享受成個過程！ 跟住要大大力讚吓我哋個司儀 Water！佢絕對係一個專業又有台型嘅MC！成晚個氣氛俾佢控制得啱啱好，流程順之餘，又好玩又溫馨。把口又叻，好識得搞氣氛，搞到全場賓客都好投入，個氣氛真係冇得頂！多謝Water俾我哋一個咁開心嘅晚上，創造咗好多美好回憶！ 最後，真係要特別表揚當晚我嘅「跟身」──員工 阿珊。佢真係一個好勤力同好細心嘅女仔！成晚默默幫我打點所有嘢，好照顧我，無論係整理我條婚紗、遞水俾我，定係提我下個流程係咩，佢都做得好細心。有佢喺身邊幫手，我成晚都可以保持靚靚，安心享受我嘅大日子。佢嘅付出，我哋真係記住晒喺心度！ 衷心多謝成個團隊！全靠你哋每一位咁專業同努力，先成就到我哋呢場完美到極嘅婚禮！各位準新人，真係誠意推薦！
ClubONE The Grand – 香港戶外婚禮小型婚禮場地
ClubONE The Grand 盛宴是科學園戶外婚禮的熱門場地，擁有五星級酒店設計格局及5米特高樓底，空間感十足，並提供奢華名貴紅酒櫃及高尚自助餐區。宴會廳彈性配合新人需要，適合舉辦15 – 30席的中西式婚宴酒席、雞尾酒會、午間證婚及晚間婚宴等。