日期：2025年11月30日
場地：SKY88
形式：中式午間婚宴
評分：⭐⭐⭐⭐⭐
場地位置方便，裝修佈置靚，有戶外證婚區幾好，不過因為遲book又旺日結婚，一有期就無睇場地就落左訂，場地&新娘房偏小，不過夠用。
當日服務&食物，所有都令我覺得好滿意，值得推薦。
經理李生 ，所有都跟得好好，有問必答，要求嘅都跟足，而且好細節都會提點。
新娘助理好幫得手，跟住我提我下一步係做咩，定心好多。
MC Shadow，帶動氣氛無靜場，好用心對待，時間管理好，當日好順暢，補斟茶無搞錯人，影相知女家有輪椅老人，所以一次過影左先，會幫忙同男家果邊講聲，好懂人情世故。
方燕翔律師行-許律師，多謝無因為我地當初堅持嘅時間而現實遲到而有任何情緒，而且約見會面愉快，衣著端正，口齒清晰。
食物方面，因為當日好忙，無時間食嘢，但李生有幫手打包食物比我哋，食物凍左都好食，相信現場更美味。
琴師同音響配合得好好。
總結感覺K11全部人都經驗豐富，表現出色，大日子交比佢哋好感恩，辛苦晒各位🙇🏻♀️
ClubONE SKY88 – 香港輕婚禮小型婚禮場地
ClubONE SKY88是尖沙咀熱門婚宴場地，全新森林系裝飾主題將於2026上旬面世（圖片只供參考），搭配自然野趣燈飾，彷如置身在鬧市中的夢幻莊園。宴會廳適合舉辦各類型中西式婚宴酒席、雞尾酒會、午間證婚及晚間婚宴等。戶外更設有空中花園證婚區，新人不但可進行戶外證婚行禮儀式，亦可做席前酒會區。
