日期：2025年11月15日
場地：PARC88
形式：中式午間婚宴
評分：⭐⭐⭐⭐⭐
忙到傻都必須要抽時間寫返個好評比Parc88！ 呢個場CP值真係好高！ 場靚、食物OK、職員都好好！
當初想要田園小清新風，而揀佢地 Book嘅時候好像都仲好新，嗰陣雖然已經有好多deco配套 但到啱啱11月時就更完善了！ 好欣賞佢哋有不斷做得更好！
另外必須一讚係我好在意食物質素 收到賓客Feedback都係話啲嘢好ok！ 對食有要求嘅朋友都話真心唔錯！ 而我自己返屋企翻熱後都覺得幾好食！ 好開心！呢樣真係好重要！
然後必須一讚咁多位Staff！ 首先係Jackal Yu、Derek Lam 兩位經理係事前同當日都幫咗我唔少！ 我小丸子咁問題天天都多，但兩位都好有耐性解答 尤其Derek！我場宴會係Derek跟進～ 由諗啲櫈點擺、搬物資、set場同當日所有嘢 我好多非傳統要求佢同同事都盡晒力幫我！ 真係好多謝佢哋
再嚟必須要多謝11月15號午宴跟住新娘嗰位小姐（應該係嘉琪？） 因為當日塞車遲咗到，忙到傻咗，都冇好好地同佢打招呼同對話～ 但佢一登場就係好專業地打點各種事務！ 小細節上都feel到佢好細心！！ 台上影相時又會比水我哋飲 然後我一個回頭就知道我搵緊咩，真係好細心、貼心！ 姊妹都有話佢幫咗好多忙！好多謝佢！
然後仲有MC Polly！ 多謝佢係咁趕嘅情況下都將個場面hold得咁好！ 18圍要影相都完全冇出現混亂！把聲又好聽！！！ 多謝佢！
當日場地每一位都好專業、高效率！ 仲有幫我地set咗唔少嘢！ 廚師們都好犀利！啲嘢食真係有質素、有熱度！ 唔會好似某啲場咁凍過室溫～嘢食好味就已經贏晒！ 多謝廚師們！！！！
當日好順利咁完成！ 可惜我擺午宴時間太趕，冇辦法好好同大家講多謝，呢到補返！！ 真係好好好好多謝大家！！ 如果10分滿分，我會比20分大家！辛苦晒你哋！
最後都for準新人們參考！ 我一開始有擔心過LED Wall影相會唔會反藍光 或者電話會唔會影唔到 實測證實，唔會！！！！！ 揀啱顏色做背景就ok！！！
PS: 手上全部相都有人樣，懶得打格仔哈哈哈 附上一張好多朋友都有影返比我睇嘅鮑魚 呢個視覺效果真係威！ 環境相大家可以睇埋網站 / 其他人 其實都好一致，冇照騙～
ClubONE PARC88 – 香港戶外輕婚禮小型婚禮場地
ClubONE PARC88是熱門戶外輕婚禮場地，宴會廳以田園系玻璃屋作為設計靈感，採光度十足，猶如外國森林婚禮。婚宴場地可彈性配合新人需要，適合舉辦各類型中西式婚宴酒席、雞尾酒會、午間證婚及晚間婚宴等。PARC88設有戶外草地證婚花園，加上寫意湖景，是香港少有的湖畔婚禮證婚，推薦喜歡簡約清新婚禮的新人。
