日期：2025年10月31日
場地：The Grand
形式：中式晚間婚宴
評分：⭐⭐⭐⭐⭐
喺呢度舉行我哋嘅婚宴真係非常滿意！場地本身已經好靚，基本上唔需要再額外搵 deco 公司幫手，佈置已經夠高級華麗，成個感覺完全有酒店級數但性價比好高。食物方面好味又有水準，仲貼心地準備咗餐前小食，等早啲到嘅賓客都可以邊食邊等開席，大家都讚不絕口。
新娘房真係要特別讚一下——超大又舒適，仲有兩個洗手間，方便我同家人準備，完全唔需要爭位用。當日婚宴完咗之後，已經有好幾位朋友話對場地有興趣想喺呢度擺酒，真係非常搶手！
另外要特別感謝負責我哋婚宴嘅余生，由籌備階段到婚禮當日都跟得超級足，每個細節都安排得有條不紊。當日仲發生咗個突發情況——我哋請咗外面 deco 公司喺 outdoor area 做 backdrop，但對方整錯咗高度。幸好余生即刻出手幫忙，搵車仔同人手現場修正，幫我哋即時墊高返個 deco，最終效果完美收尾。非常感受到佢嘅專業同細心，成個婚禮都進行得順利又溫馨。
另外，落訂 book 婚宴 package 時仲包括咗好多合作商戶嘅優惠券同服務折扣，可以用優惠價錢享用唔同婚禮相關服務。我自己就用咗佢哋合作嘅婚紗公司，質素非常好，一啲都唔差。整個 package 性價比真心高，無論係服務、人員定成個體驗都非常值得推薦！
ClubONE The Grand – 香港戶外婚禮小型婚禮場地
ClubONE The Grand 盛宴是科學園戶外婚禮的熱門場地，擁有五星級酒店設計格局及5米特高樓底，空間感十足，並提供奢華名貴紅酒櫃及高尚自助餐區。宴會廳彈性配合新人需要，適合舉辦15 – 30席的中西式婚宴酒席、雞尾酒會、午間證婚及晚間婚宴等。
