係水中天擺酒我地兩公婆都覺得好滿意，亦都好好彩負責我地婚禮既club one 職員係啊Yan，基本上佢係由你簽約至到bigday 咁長時間入面，都係全天侯 秒回你所有問題，呢點真係好重要，你試諗下，如果你搵著一個跟你既職員係每個問題都要等半日先應你機，仲要答d官腔野比你，真係會嬲嬲地覺得佢好冇用同d 錢洗得唔值。
基本上你諗唔掂度唔掂既問題，只要唔好收收埋埋直接問下啊Yan，佢都可以比到兩三個方案你，始終佢份工就係不斷咁睇人搞big day d 野食鹽真係多過你食米。我一直煩緊包60座既問題，唔係我搵唔到車，係d 車符合唔到我既要求，啊yan一聽完我個問題好快話我知點做最好，最後big day 個日佢直接幫我安排埋部60座，我都已經唔洗理部車。
到big day 當日，場地燈光，企位，音響你有問題直接同啊
yan 講佢會直接幫你搞掂，你影相點企隻手點擺佢見唔對路都會走過黎提埋你，成件事係幾咁方便幾咁貼心。
另外都想讚下club one 安排比我地既wedding planner water，一開始都有懷疑過需唔需要花錢去請weddingplanner . 但係當你發現好多野係唔夠時間去處理既時候，有個人問晒你兩公婆資料之後，幫你砌掂晒big day 個日流程，mark 低晒邊一part 有d咩物資/道具要用，吉時，兄弟姊妹工作，你只要跟住做就得，係件幾咁方便幾咁爽既事。最勁係，big day 當日佢一早就會出現，講緊係新娘姊妹化妝個陣就會開始出現，跟足你全日，幫你控制住個時間，d 兄弟姊妹有咩問題都會直接搵water 問，唔會搵你，係個日咁多野顧既情況下佢幫你顧左一大半，結完我地都覺得請到呢wedding planner 請得好值。
ClubONE 水中天 – 香港戶外輕婚禮小型婚禮場地
ClubONE水中天是熱門戶外草地輕婚禮場地，盡覧海天一色的180度城門景緻，設有兩個戶外證婚花園區及三個宴會廳，適合舉辦50人至200人的小型婚禮、中西式婚宴酒席、雞尾酒會、午間證婚及晚間婚宴等。