Club Wedding個個同事都好親切，同埋有問必答，又會比好多提點我哋🌟。嘉琪係一個好有經驗嘅同事，佢全程都跟得好足，會提我地要做啲咩準備，同埋要處理啲咩，將啲細節位照顧得好好💕。Club Wedding嘅場地都係簡單嘅風格，我哋都幾鍾意😆！Big Day嗰日佢哋驚我哋太攰，一直提我哋一定要食啲嘢或者飲啲水。如果佢哋見有空檔，仲會主動俾啲水我哋飲， 同埋叫我哋要休息吓，所以佢哋真係好好！
因為我哋一直都猶豫緊要唔要多一圍，同嘉琪傾嘅時候，佢都俾咗唔同嘅方案我哋揀🤩。之後佢幫我哋計好咗，圍數係啱啱好，咁就唔需要加，所以覺得嘉琪好為我哋着想，同埋根據佢嘅專業角度去俾意見💘。喺婚禮舉行之前，佢哋都預留咗充足嘅時間俾我哋去set場。 如果我哋冇食早餐，佢又會安排我哋嗌嘢食。佢知道我先生唔識飲酒，都有準備杯千杯不醉俾佢😍。
因為我哋會安排旅遊巴接送啲賓客，嘉琪見成個過程咁順利，婚禮應該會比預期早啲完，就提議可以早15分鐘叫旅遊巴準備好。佢真係俾咗好多寶貴嘅意見我哋，所以Big Day嗰日真係好順利💗！ 成個婚禮出到嚟係超水準，比我哋預期之中更加好，我都會想介紹Club Wedding俾嚟緊結婚嘅朋友認識！
ClubONE 水中天 – 香港戶外輕婚禮小型婚禮場地
ClubONE水中天是熱門戶外草地輕婚禮場地，盡覧海天一色的180度城門景緻，設有兩個戶外證婚花園區及三個宴會廳，適合舉辦50人至200人的小型婚禮、中西式婚宴酒席、雞尾酒會、午間證婚及晚間婚宴等。